Archives: Places
Хераклеа
Хераклеа Линкестис е еден од позначајните антички градови во Македонија. Градот егзистирал повеќе од еден милениум. Формиран е во средината на IV век п.н.е. од страна на Филип II Македонски како важен стратешки пункт.
Во средината на II век п.н.е. Римјаните ја освоиле Македонија и ја уништиле нејзината политичка моќ, а потоа ја претвориле во провинција и ја разделиле на четири области. И покрај ваквата состојба, Хераклеа која што припаѓала на четвртата област во римскиот период доживеала извесен просперитет. Тоа се должи, пред се на изградбата на патот via Egnatia на кој што овој град бил важна станица.
Од римско време во Хераклеа се откриени и презентирани објектите: терми, портик со почесни и вотивни споменици, театар, a се идентификувани и делови од други објекти во рамките на градските зидини и надвор од нив.
Манастир Св Јоаким Осоговски
Во непосредна близина на Крива Паланка се наоѓа големото македонско духовно светилиште, манастирот Свети Јоаким Осоговски. Во овие предели кон крајот на XI и почетокот на XII век се подвизувал преподобниот отец наш Јоаким Осоговски Чудотворец.
Смоларски водопади
Смоларски водопад — водопад сместен на северните падини на планината Беласица, по текот на реката Ломница, на надморска висина од 600 м во регионот на селото Смолари. Селото Смолари се наоѓа во северното подножје на планината Беласица во областа позната како Подгорие. Водопадот е оддалечен 28 километри од градот Струмица.
Колешински водопади
Колешински Водопад — водопад сместен во југоисточниот дел на Република Македонија, на северните падини на планината Беласица, во долниот тек на реката Баба, на надморска височина од 500 м.
Се вбројува меѓу највисоките водопади во Македонија со височина од 15 м, со широчина на падот од околу 6 м. Според постанокот тој е тектонски водопад, создаден во гранитни камења. Спротиводно од Колешинскиот Водопад, на оддалеченост од околу 100 метри се наоѓаат уште неколку помали водопади распоредени во низа, високи од 2 до 4 метри, кои припаѓаат на неговиот централен слив.
Вевчани
Кога ќе сакате да побегнете од градската бучава и да се одморите од сè, топло ви препорачуваме да го посетите Вевчани. На патот кон Струга после селото Велешта, во падините на планината Јабланица е сместено едно најубавите македонски села. Доколку патувате од Охрид, оддалечено е 30km. Тимот на CRNOBELO.com реши да ја посети „државата Вевчани“.
На сред село не пречекаа љубезните жители на Вевчани, кои со душа чекаат посетители за да ги раскажат легендарните приказни врзани за ова место. Освен што е препознатливо по традиционалниот карневал кој секоја година се одржува на Василица 13ти и 14ти јануари, Вевчани изобилува со неверојатна природна убавина, а вистинска атракција се Вевчанските извори.
Брана Злетовица
За оваа заспана убавица ретко кој има слушнато. До пред само една година и се восхитуваат само упорните планинари, а денес со изградбата на браната Злетовица и модерен асфалтен пат, е отворена за сите добронамерни посетители.
Кнежево е распослано на пазувите на Осоговските планини во Злетовско-Кратовскиот регион. До браната Злетовица се стигнува со автомобил по модерно асфалтиран пат. Се поминува низ селото Злетово каде ќе бидете импресионирани од стара македонска архитектура, занаетчиски работилници во кои времето застанало.
Овде нема ресторани, продавници, кафеани, затоа ручекот подговете го сами, некоја скара, пијалок изладен во потоците, или во Злетовска река е вистинско доживување и вкус кој ќе го паметите уште долго.
Задолжително останете до заоѓањето на сонцето за да видите една прекрасна глетка – планините со прекрасна црвена боја која пред вашите очи се движи и со последниот зрак исчезнува. На враќање посетете го рибникот пред селото Злетово во етно архитектура и секогаш свежа риба подготвена на традиционален начин.
Ќе си заминете од ова место со многу впечатоци кои ќе останат уште долго во вашите сеќавања!
Скребатно
Бела вода
Со поглед на река, Туристички комплекс Бела Вода во Двориште обезбедува сместување, ресторан, сезонски отворен базен, заеднички салон, градина и тераса. Сите единици се со седење, телевизор со рамен екран со сателитски канали и приватна бања со фен, туш и када. Балкон со поглед на градината е понуден во секоја единица. Гостите во празничниот парк можат да уживаат во доручек или ала карт појадок. Возењето може да се ужива во близина. Струмица е на 34 километри од Туристички комплекс Бела Вода, додека Берово е на 23 километри.
Бигорски манастир
Како во секој манастир, изграден по подобие на градот Божји – Небесниот Ерусалим, така и овде, во Бигорскиот, средишното место го зазема соборниот храм, т.н. католикон. Тој бил изграден кон крајот на XVIII век, во еден посебен, автохтон архитектонски стил, што се среќава само во мијачката архитектура во време на Преродбата и кој бил условен од строгите ограничувањата што ги пропишувал тогашниот османлиски шеријатски закон. Иако според надворешната архитектура Бигорскиот католикон е скромна еднокуполна градба, сепак е еден од првите поголеми храмови во периодот после освојувањето на Турците-Османлии. Грандиозноста на храмот се должи на фактот, дека неговата изградба е одобрена со посебен ферман – дозвола од султанот. Дело е на мајстори-градители, копаничари и зографи од дебарскиот крај.
Византискиот стил на архитектурата на Бигорскиот храм побудува смирение, како однадвор, така и внатре. На влезот од храмот се наоѓа нартексот, украсен со мермерна преграда – трифора, која го затвора пристапот кон централниот дел на храмот и го исполнува просторот со необична тишина и полумрак. Затоа тука, во пригушената светлина на внатрешниот нартекс, луѓето ги обзема чувство како да се оддалечуваат од светот и световните грижи.